A presente concesión de axudas a proxectos para o persoal investigador na etapa de formación posdoutoral do Campus de Ourense (INOU+ POSDOU Campus Auga 2025), créase no marco do financiamento do convenio de colaboración entre a Consellería de Educación, Ciencia, Universidades e Formación Profesional e a Universidade de Vigo para o desenvolvemento de accións estratéxicas no Campus Auga (2024-2027).

As axudas teñen a finalidade de potenciar as liñas de especialización do Campus da Auga aprobadas no seu plan estratéxico 2024-2027, ao tempo que se pretende que sexan unha vía de retención de talento, para que o persoal investigador novo con contribucións científico-técnicas relevantes e innovadoras teñan a posibilidade de liderar proxectos como investigadores/as principais (IP), co fin de que adquiran as competencias e capacidades que lle permitan obter as acreditacións e axudas que posibiliten a súa estabilización en organismos de investigación.

As persoas que soliciten esta axuda non poden presentarse ás axudas INOU 2025.

Entre os criterios de puntación, destacamos que se considera positivo terse  presentado ás axudas “Ramón y Cajal”.

A cantidade coa que se financia esta convocatoria é de 60.000€.

Pódese descargar a Convocatoria e o Formulario de solicitude nesta ligazón da Secretaría da UVigo.