Esta convocatoria ten por obxecto potenciar a empregabilidade do estudantado das titulacións do Campus Auga, a través das prácticas remuneradas (de entre dous e tres meses) en empresas. O período de desenvolvemento destas prácticas comeza o 1 de xuño e finalizará o 30 de setembro de 2025 e a contía individual da axuda será como máximo de 600 €/mes.

Para poder acceder a estas bolsas, a persoa ten que  estar matriculada no curso 2024/2025 en titulacións do Campus Auga, isto é, nos máster de Nutrición, de Ciencia e Tecnoloxía Agroalimentaria e Ambiental, de Sistemas Aéreos No Tripulados, de Dirección e Planificación do Turismo Interior e de Saúde; nos graos de Ciencia e Tecnoloxía dos Alimentos, de Enxeñería Agraria, de Ciencias Ambientais, de Enxeñería Aeroespacial, de Administración e Dirección de Empresas, de Turismo, de Intelixencia Artificial e no de Dereito, nos PCEO Grao en Administración e Dirección de empresas e Grao en Dereito ou no PCEO Grao en Turismo/Grao en Xeografía e Historia, así como no Dobre grao en Administración e Dirección de Empresas e en Enxeñaría Informática.